រដ្ឋមន្ត្រីក្រសួងរតនាគារអាមេរិក លោក Scott Bessent និងអនុប្រធានរដ្ឋាភិបាលចិន លោក He Lifeng បានជួបពិភាក្សាគ្នានៅទីក្រុងញូវយ៉ក កាលពីថ្ងៃទី២០ ខែកញ្ញា មុនកិច្ចប្រជុំកំពូលរវាងលោក Donald Trump និងលោក Xi Jinping នៅទីក្រុងវ៉ាស៊ីនតោននៅសប្តាហ៍នេះ។
ប្រភពពីសារព័ត៌មានCNA។
ក្នុងជំនួបនេះ ភាគីអាមេរិកបានស្នើបង្កើត ប្រព័ន្ធជូនដំណឹងអំពីសុវត្ថិភាព AI ដើម្បីឱ្យអាមេរិក និងចិនអាចជូនដំណឹងគ្នា ប្រសិនបើមានហេតុការណ៍ពាក់ព័ន្ធនឹង AI ដែលអាចបង្កហានិភ័យដល់សន្តិសុខជាតិ។
លោក Bessent បាននិយាយថា ការបង្កើនតម្លាភាពរវាងអាមេរិក និងចិន ដែលជាប្រទេសមានសមត្ថភាព AI ឈានមុខគេទាំងពីរ គឺមានសារៈសំខាន់ ដើម្បីដោះស្រាយហានិភ័យ និងការគំរាមកំហែងរួមគ្នា។
ទោះជាយ៉ាងណា មិនទាន់មានការបញ្ជាក់ថា ចិនយល់ព្រមលើសំណើនេះឬយ៉ាងណា។ មន្ត្រីចិនបានចាកចេញពីកិច្ចប្រជុំដោយមិនធ្វើសេចក្តីថ្លែងការណ៍ទៅកាន់អ្នកសារព័ត៌មាន។
មន្ត្រីពាណិជ្ជកម្មអាមេរិកក៏បានបញ្ជាក់ថា បញ្ហាការរឹតត្បិតការនាំចេញបន្ទះឈីប AI ទំនើប និងឧបករណ៍ផលិត semiconductor មិនត្រូវបានពិភាក្សានៅក្នុងកិច្ចពិភាក្សាអំពីយន្តការសុវត្ថិភាព AI នោះទេ។ កិច្ចពិភាក្សានេះត្រូវបានចាត់ទុកថា ជាការរៀបចំមូលដ្ឋានសម្រាប់កិច្ចប្រជុំ Trump-Xi ដែលគ្រោងធ្វើនៅថ្ងៃព្រហស្បតិ៍ និងសុក្រ៕
