ប្រធានាធិបតីតួកគី លោក រ៉េសេប តាយយីប អេដូហ្គង់ បានជួបនាយករដ្ឋមន្ត្រីបង់ក្លាដែស លោក តារីក រ៉ាហ្មាន់ នៅទីក្រុងញូវយ៉ក កាលពីថ្ងៃទី២២ ខែកញ្ញា ឆ្នាំ២០២៦។
ប្រភពពីសារព័ត៌មានAA news នៅថ្ងៃទី២២ខែកញ្ញា។
មេដឹកនាំទាំងពីរបានពិភាក្សាអំពីទំនាក់ទំនងរវាងប្រទេសទាំងពីរ និងបញ្ហាក្នុងតំបន់។ លោក អេដូហ្គង់ បានលើកឡើងថា តួកគី និងបង់ក្លាដែសគួរពង្រឹងកិច្ចសហប្រតិបត្តិការឱ្យកាន់តែរឹងមាំ ជាពិសេសក្នុងវិស័យ ឧស្សាហកម្មការពារជាតិ និងពាណិជ្ជកម្ម។
លោកក៏បានសរសើរបង់ក្លាដែស ដែលកំពុងទទួលជនជាតិរ៉ូហ៊ីងយ៉ាជាង ១លាននាក់ និងបញ្ជាក់ថា តួកគីនឹងបន្តផ្តល់ជំនួយមនុស្សធម៌ដល់បង់ក្លាដែស ដោយផ្តោតលើ ទីជម្រក ការអប់រំ និងហេដ្ឋារចនាសម្ព័ន្ធ៕
