អាជ្ញាធរក្រុងហេប្រុនបានឱ្យដឹងកាលពីថ្ងៃទី២៤ ខែតុលា ឆ្នាំ២០២៦ ថាកងទ័ពអ៊ីស្រាអែលបានបង្ខំជនជាតិប៉ាឡេស្ទីនប្រមាណ១.៥០០នាក់មកពី២៥០គ្រួសារ ឱ្យចាកចេញពីផ្ទះនៅទីក្រុងហេប្រុន តំបន់វេសប៊ែងហើយគ្រោងជម្លៀសប្រជាជន២.៥០០នាក់បន្ថែមទៀត។
សារព័ត៌មានAnadolu Agency។
កងទ័ពអ៊ីស្រាអែលបានបិទផ្លូវសំខាន់ៗ ឡោមព័ទ្ធទីក្រុង និងចូលឆែកឆេរផ្ទះប្រជាជន ចាប់តាំងពីថ្ងៃទី២៣ ខែតុលា។ វិធានការនេះធ្វើឡើងបន្ទាប់ពីជនជាតិប៉ាឡេស្ទីនពីរនាក់បានបាញ់ប្រហារនៅប៉ុស្តិ៍ត្រួតពិនិត្យរបស់អ៊ីស្រាអែល។ ហេតុការណ៍នេះបានបណ្តាលឱ្យអ្នកវាយប្រហារទាំងពីរនាក់ និងទាហានអ៊ីស្រាអែលពីរនាក់ស្លាប់ ព្រមទាំងទាហានបីនាក់រងរបួស។
ក្រសួងការបរទេសប៉ាឡេស្ទីនបានថ្កោលទោសការបង្ខំប្រជាជនឱ្យចាកចេញពីផ្ទះ និងការគំរាមកំហែងបំផ្លាញសង្កាត់នានា ដោយអំពាវនាវឱ្យសហគមន៍អន្តរជាតិចាត់វិធានការជាបន្ទាន់។
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បាននិយាយថា អ៊ីស្រាអែលកំពុងត្រៀមប្រតិបត្តិការយោធាទ្រង់ទ្រាយធំនៅតំបន់វេសប៊ែង។ ចំណែកប្រជាជនប៉ាឡេស្ទីនបារម្ភថា ការបណ្តេញប្រជាជនចេញពីផ្ទះ និងការបំផ្លាញលំនៅឋាន អាចធ្វើឱ្យការបង្កើតរដ្ឋប៉ាឡេស្ទីនឯករាជ្យកាន់តែពិបាក៕
