(ប៉ារីស)៖ ការតវ៉ាថ្មីបានផ្ទុះឡើងនៅប្រទេសបារាំង នាថ្ងៃសៅរ៍ទី២៤ ខែតុលា ឆ្នាំ២០២៦ ដោយក្រុមបាតុករនាំគ្នាធ្វើបាតុកម្មតវ៉ា ខណៈសមត្ថកិច្ចឃាត់ខ្លួនមនុស្សជិត១.០០០នាក់បន្ថែមទៀត!។
សារព័ត៌មាន AFP។
រដ្ឋមន្ត្រីក្រសួងមហាផ្ទៃ លោក Laurent Nunez បាននិយាយថាប៉ូលិសបានឃាត់ខ្លួនមនុស្សជិត១.០០០នាក់ ក្នុងពេលដែលអាជ្ញាធរបានប្រឈមមុខ នឹងការកើនឡើងអំពើហិង្សាគាំទ្រដោយក្រុមឆ្វេងនិយមជ្រុល។
ប៉ូលិសប្រឆាំងកុបកម្ម បានបាញ់ឧស្ម័នបង្ហូរទឹកភ្នែកនៅក្នុងរដ្ឋធានីប៉ារីស រួមទាំងទីក្រុង Marseille, Lyon, Bordeaux, Lille, Toulouse, Montpellier និងទីក្រុង Nantes។ លោក Nunez បានបន្ថែមថាមនុស្ស២នាក់ ក៏បានរងរបួសធ្ងន់ធ្ងរផងដែរអំឡុងការប៉ះទង្គិចគ្នា។
រដ្ឋាភិបាលបារាំង បានដាក់ពង្រាយកងកម្លាំងសន្តិសុខ ៧០.០០០នាក់ នៅទូទាំងប្រទេស ដើម្បីទប់ទល់នឹងបាតុកម្មតវ៉ា ដែលក្រុមបាតុករអះអាងថា ធ្វើឡើងដើម្បីប្រឆាំងជំទាស់នឹង ការកើនឡើងចំណាយសម្រាប់ការរស់នៅប្រចាំថ្ងៃ។
អំពើហិង្សានៅថ្ងៃសៅរ៍ កើតមានឡើងតែមួយសប្ដាហ៍ប៉ុណ្ណោះ ក្រោយគេបានឃើញសកម្មភាពបំផ្លិចបំផ្លាញទ្រព្យសម្បត្តិ ការលួចប្លន់ក្នុងហាងទំនិញ និងមានមនុស្សជាង ២.៤០០នាក់ត្រូវបានចាប់ខ្លួនក្នុងបាតុកម្មតវ៉ា ដែលបានប្រែក្លាយជាកុបកម្មដ៏ហិង្សា កាលពីចុងសប្ដាហ៍មុន។
លោក Nunez ការគ្រប់គ្រងស្ថានការណ៍កាលពីថ្ងៃសៅរ៍ មានភាពវិជ្ជមាន និងល្អប្រសើរជាងកាលពីមួយសប្ដាហ៍មុន។
ដោយប៉ូលិសត្រូវបានបង្កើនចំនួននៅតាមដងផ្លូវ និងបានធ្វើសកម្មភាពបាន លឿនរហ័ស។
បើតាមក្រុមសហជីពបារាំង បាតុកម្មតវ៉ាកាលពីថ្ងៃសៅរ៍នោះដែរមានមនុស្សចូលរួមចន្លោះពី៤១០.០០០នាក់ ដល់ ៨០០.០០០នាក់នៅទូទាំងប្រទេសបារាំង ក្នុងនោះនៅទីក្រុងប៉ារីសមានមនុស្សចន្លោះពី១១០.០០០ដល់ ២៥០.០០០នាក់បានចូលរួមក្នុងបាតុកម្មតវ៉ា ដែលផ្ទុះឡើង រដ្ឋាភិបាលបារាំង បានចេញបម្រាមគោរចរ.នៅទីតាំងសំខាន់ៗ៕
