តុលាការជាន់ខ្ពស់ទីក្រុងបុមបៃរបស់ប្រទេសឥណ្ឌា បានសម្រេចអនុញ្ញាតឱ្យតារាសម្តែងបូលីវូដ លោក Imran Khan បន្តស្នាក់នៅក្នុងប្រទេសរហូតដល់ថ្ងៃទី៧ ខែធ្នូ ឆ្នាំ២០២៦ បន្ទាប់ពីលោកបានសុំទោសចំពោះការចូលរួមក្នុងការតវ៉ានយោបាយមួយ។
សារព័ត៌មានReuter នៅថ្ងៃទី២ខែវិច្ឆិកា។
លោក Imran Khan អាយុ៤៣ឆ្នាំ ជាពលរដ្ឋអាមេរិក ត្រូវបានរដ្ឋាភិបាលឥណ្ឌាបញ្ជាឱ្យចាកចេញពីប្រទេសត្រឹមថ្ងៃទី២៨ ខែតុលា បន្ទាប់ពីលោកបានចូលរួមក្នុងការតវ៉ានៅទីក្រុងបុមបៃ កាលពីខែមុន ដើម្បីទាមទារឱ្យប្រធានគណៈកម្មការរៀបចំការបោះឆ្នោតឥណ្ឌា ចុះចេញពីតំណែង។
តុលាការបានបញ្ជាក់ថា ជនបរទេសមិនមានសិទ្ធិចូលរួមក្នុងការតវ៉ានយោបាយនៅប្រទេសឥណ្ឌាឡើយ។ តុលាការក៏បានទាមទារឱ្យលោកសុំទោសដោយគ្មានលក្ខខណ្ឌ និងធានាថា នឹងមិនចូលរួម ឬជំរុញអ្នកដទៃឱ្យចូលរួមក្នុងការតវ៉ាបែបនេះទៀតឡើយ។
ការសម្រេចនេះមានន័យថា លោកអាចបន្តស្នាក់នៅក្នុងប្រទេសជាបណ្តោះអាសន្ន ខណៈអាជ្ញាធរឥណ្ឌាកំពុងពិនិត្យករណីរបស់លោក៕
