តាមការស្ទង់មតិរបស់ Reuters និង Ipsos ដែលបានបញ្ចប់កាលពីថ្ងៃទី២ ខែវិច្ឆិកា ឆ្នាំ២០២៦ ប្រជាប្រិយភាពរបស់ប្រធានាធិបតីអាមេរិក លោក ដូណាល់ ត្រាំ បានធ្លាក់មកត្រឹម ៣២% ដែលជិតដល់កម្រិតទាបបំផុតក្នុងអាជីពនយោបាយរបស់លោក។
សារព័ត៌មានReuter។
ការស្ទង់មតិបង្ហាញថា អ្នកបោះឆ្នោត ៤៦% គាំទ្រគណបក្សប្រជាធិបតេយ្យ ខណៈ ៣៨% គាំទ្រគណបក្សសាធារណរដ្ឋ ក្នុងការបោះឆ្នោតសភាពាក់កណ្តាលអាណត្តិ។ នេះបង្ហាញថា គណបក្សប្រជាធិបតេយ្យនាំមុខ ៨ ពិន្ទុភាគរយ។
លទ្ធផលនេះបង្ហាញពីការលំបាករបស់គណបក្សសាធារណរដ្ឋ ដោយសារតម្លៃប្រេងឥន្ធនៈកើនឡើងខ្លាំង បន្ទាប់ពីលោក ត្រាំ ចាប់ផ្តើមសង្គ្រាមជាមួយអ៊ីរ៉ង់កាលពីខែកុម្ភៈ។ លើសពីនេះ អ្នកបោះឆ្នោតឯករាជ្យប្រហែលពាក់កណ្តាលបានចាត់ទុកការបោះឆ្នោតនេះជាឱកាសបង្ហាញការប្រឆាំងនឹងលោក ត្រាំ។
ទោះជាយ៉ាងណា គម្លាតគាំទ្ររវាងគណបក្សទាំងពីរបានរួមតូចពី ១១ ពិន្ទុ មកត្រឹម ៨ ពិន្ទុ បើប្រៀបធៀបនឹងការស្ទង់មតិកាលពីមួយសប្តាហ៍មុន៕
