(ភ្នំពេញ)៖ នៅថ្ងៃទី៣ ខែវិច្ឆិកា ឆ្នាំ២០២៦ សាលាដំបូងរាជធានីភ្នំពេញ បានសម្រេចចេញដីកាឃុំខ្លួនស្រ្តីលក់អនឡាញ សៅ លីឈីង (Sao LyChhing)ដាក់ពន្ធនាគារជាបណ្ដោះអាសន្ន ករណីបើករថយន្តបុកអ្នកជិះម៉ូតូបណ្ដាលឱ្យស្លាប់។
*នេះបើយោងតាមដីកាបង្គាប់ឱ្យឃុំ.។
ហេតុការណ៍គ្រោះថ្នាក់ចរាចរណ៍នេះ បានកើតឡើងនៅ វេលាម៉ោង១១២០នាទីយប់ ថ្ងៃទី២៨ ខែតុលា ឆ្នាំ២០២៦ ស្ថិតនៅតាមបណ្ដោយផ្លូវបេតុង ភូមិក្ដីចាស់ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។
ដោយរថយន្ដម៉ាក Rang Rover ពាក់ផ្លាកលេខកម្ពុជា JJ.CHING ដែលជាកម្មសិទ្ធិរបស់ស្ដ្រីអ្នកលក់អនឡាញម្នាក់ឈ្មោះ សៅ លីឈីង(Sao LyChhing) បានបុកម៉ូតូ១គ្រឿង បណ្ដាលឲ្យអ្នកបើកបរស្លាប់ភ្លាមៗ រួចអ្នកបើករថយន្ដបានព្យាយាមរត់គេច និងដោះផ្លាកលេខយកទៅផ្លុងចោល!៕
