អាជ្ញាធរក្រិកបានហាមឃាត់ការធ្វើបាតុកម្មនៅលើកោះស៊ីរ៉ូស (Syros) ប្រឆាំងនឹងការចូលចតរបស់នាវាទេសចរណ៍ Crown Iris ដែលជាកម្មសិទ្ធិរបស់អ៊ីស្រាអែល និងគ្រោងមកដល់កោះនេះនៅព្រឹកថ្ងៃអង្គារទី៣ខែវិច្ឆិកា។
សារព័ត៌មានAnadolu Agency
ឆ្មាំសមុទ្រក្រិកបានបញ្ជាក់ថា ការធ្វើបាតុកម្មនៅតំបន់មាត់សមុទ្រអាចបង្កឱ្យមានភាពចលាចល និងការប៉ះទង្គិចគ្នារវាងក្រុមអ្នកតវ៉ា និងភ្ញៀវទេសចរ ព្រមទាំងប៉ះពាល់ដល់សន្តិសុខ និងសេដ្ឋកិច្ចក្នុងតំបន់។ ទោះជាយ៉ាងណា អាជ្ញាធរអនុញ្ញាតឱ្យមានការតវ៉ានៅទីតាំងផ្សេងៗ ដែលស្ថិតនៅឆ្ងាយពីមាត់សមុទ្រ។
ក្រុមប្រឆាំងសង្គ្រាមនៅកោះស៊ីរ៉ូស ដែលជាអ្នករៀបចំបាតុកម្ម បាននិយាយថា ការតវ៉ានេះមានគោលបំណងបង្ហាញការគាំទ្រដល់ប្រជាជនប៉ាឡេស្ទីន និងប្រឆាំងនឹងសង្គ្រាមដែលកំពុងបន្តនៅក្នុងតំបន់៕
