តាមរយៈការចរចារដែលកំពុងអូសបន្លាយរវាងរុស្ស៊ី និងអ៊ុយក្រែន ប្រធានាធិបតីសហរដ្ឋអាមេរិក លោក Donald Trump បានបញ្ជូនលោក Steve Witkoff ទៅកាន់ទីក្រុងមូស្គូ ដើម្បីពិភាក្សាអំពីផ្លូវទៅរកសន្តិភាពជាមួយប្រធានាធិបតីរុស្ស៊ី លោក Vladimir Putin។
ប្រភពពីសារព័ត៌មានAl jazeera នៅថ្ងៃទី២៦ខែវិច្ឆិកា។
យោធាររុស្ស៊ីប្រើដ្រូនវាយប្រហារលើតំបន់ Zaporizhzhia នៅថ្ងៃពុធ ទី២៦ ខែវិច្ឆិកា ឆ្នាំ ២០២៥ បណ្ដាលឱ្យជនជាតិអ៊ុយក្រែនយ៉ាងហោចណាស់ ១៩ នាក់រងរបួស និងឆាបឆេះអគារលំនៅដ្ឋានមួយ។
ក្នុងប្រព័ន្ធផ្សព្វផ្សាយសង្គម ប្រេសិត Trump បានអះអាងថា ការចរចាសន្តិភាពកំពុងរីកចម្រើនយ៉ាងមានន័យ។ គាត់បង្ហាញថា ផែនការសន្តិភាព ២៨ ចំណុចដើម ដែលរដ្ឋបាលរបស់គាត់បានព្រាង ឥឡូវនេះត្រូវបានកែសម្រួលយ៉ាងច្រើនតាមការអនុម័តពីរុស្ស៊ី និងអ៊ុយក្រែន។ គាត់និយាយថានៅសល់តែចំណុចខ្វែងគំនិតតិចតួចប៉ុណ្ណោះមុនពេលទទួលបានកិច្ចព្រមព្រៀង។
ប្រធានាធិបតីអ៊ុយក្រែន លោក Volodymyr Zelenskyy បានបញ្ជាក់ថា ទីក្រុងគៀវបានឆ្លើយតបវិជ្ជមានចំពោះខ្លឹមសារផែនការកែប្រែថ្មីរបស់សហរដ្ឋអាមេរិក ដោយនិយាយថា «ចំណុចរសើប» ដ៏ច្រើនត្រូវបានដោះស្រាយរួចមកហើយ។ ទោះយ៉ាងណា អត្ថបទពេញលេញនៃផែនការមិនទាន់ត្រូវបានបង្ហាញជាសាធារណៈទេ៕