កាលពីថ្ងៃចន្ទទី២២ ខែធ្នូ ប្រធានាធិបតីអាមេរិកលោក ដូណាល់ ត្រាំ បាននិយាយថា នឹងក្លាយជារឿងល្អប្រសិនបើប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ ចុះចេញពីតំណែង!។
ប្រភពពីសារព័ត៌មាន AFP។
តែទោះជាបែបនេះក្ដី សម្ព័ន្ធមិត្តដ៏សំខាន់របស់វ៉េណេស៊ុយអេឡា គឺរុស្ស៉ីបានបង្ហាញការគាំទ្ររបស់ខ្លួនចំពោះរដ្ឋាភិបាលរបស់លោក ម៉ាឌូរ៉ូ ក្នុងគ្រាដែលទីក្រុងវ៉ាស៊ីនតោនបាន និងកំពុងបង្កើន ការដាក់សម្ពាធយោធាលើទីក្រុងការ៉ាកាស។
នៅពេលត្រូវបានអ្នកសារព័ត៌មានសួរនៅឯភូមិគ្រឹះរបស់លោក ក្នុងរដ្ឋ Florida ថាតើការគំរាមរបស់ទីក្រុងវ៉ាស៊ីនតោនមានគោលដៅបង្ខំឱ្យ លោក ម៉ាឌូរ៉ូចុះចេញពីតំណែងឬក៏យ៉ាងណា? លោក ត្រាំ បានឆ្លើយថា វាគឺអាស្រ័យលើលោក ម៉ាឌូរ៉ូ ហើយខ្ញុំគិតថាវានឹងក្លាយជារឿងល្អសម្រាប់គាត់បើគាត់ចុះចេញពីតំណែង៕