នៅថ្ងៃទី២៣ ខែធ្នូ ឆ្នាំ២០២៥ ចិន បានបន្តជំរុញឱ្យកម្ពុជានិងថៃ បញ្ចប់សង្រ្គាមជា អាទិភាពចម្បង និងអនុវត្តបទឈប់បាញ់ឡើងវិញ។
ប្រភពពីសារព័ត៌មាន Reuters។
ដោយយោងតាមសម្តីប្រេសិតពិសេសចិនទទួលបន្ទុកកិច្ចការនៅអាស៊ី លោក Deng Xijun ក្រសួងការបរទេសចិន នាថ្ងៃអង្គារនេះ បាននិយាយថា ចិនគាំទ្រកិច្ចប្រឹងប្រែងសម្រុះសម្រួលរបស់អាស៊ាន ហើយមានឆន្ទៈដើម្បីជាថ្មីម្តងទៀត ជួយបង្កើតឱកាសនិងផ្តល់ជាវេទិកា សម្រាប់កិច្ចសន្ទនានិងកិច្ចចរចារវាងភាគីទាំងពីរ (កម្ពុជា-ថៃ)។
នាពេលថ្មីៗនេះ លោក Deng បានធ្វើដំណើរមកកាន់កម្ពុជានិងថៃ ហើយបានជួបជាមួយនាយករដ្ឋមន្រ្តីក៏ដូចជាមន្រ្តីជាន់ខ្ពស់នៃប្រទេសទាំងពីរ។
គិតមកដល់ពេលនេះ ការប្រយុទ្ធគ្នារវាងកម្ពុជានិងថៃ គឺ១៧ថ្ងៃហើយ បន្ទាប់ពីកិច្ចព្រមព្រៀងសន្តិភាពដំបូង ។
ដែលសម្រេចបាន ក្រោមការជួយសម្រុះសម្រួលពីប្រទេសម៉ាឡេស៊ី ក្នុងនាមជាប្រធានអាស៊ាន និងប្រធានាធិបតីអាមេរិក លោក ដូណាល់ ត្រាំ បានដួលរលំ នៅពេលយោធាថៃ បើកការវាយប្រហារឈ្លានពានសាជាថ្មី ប្រឆាំងនិងកម្ពុជា៕