ក្រុមតាមដានជម្លោះACLED បានព្រមានថា យោធាមីយ៉ាន់ម៉ាកំពុងបង្កើនការវាយប្រហារលើប្រជាជនស៊ីវិលយ៉ាងខ្លាំង បន្ទាប់ពីមេយោធាថ្មីចូលកាន់តំណែងកាលពីចុងខែមីនា។
ប្រភពពីសារព័ត៌មានReuter នៅថ្ងៃទី២៧ខែកក្កដា។
តាមACLED ក្នុងឆ្នាំ ២០២៦ មានការសម្លាប់ជាក្រុមជាង ១០ ករណី ដែលបណ្តាលឱ្យជនស៊ីវិលជាង ៤៥០ នាក់ស្លាប់។ ស្ថានការណ៍នេះកើតឡើង ខណៈប្រទេសក្នុងតំបន់កំពុងព្យាយាមប្រើការទូត ដើម្បីស្វែងរកដំណោះស្រាយចំពោះវិបត្តិនយោបាយ និងសង្គ្រាមនៅមីយ៉ាន់ម៉ា។
អតីតមេយោធា និងបច្ចុប្បន្នជាប្រធានាធិបតី Min Aung Hlaing ក៏គ្រោងទៅបំពេញទស្សនកិច្ចនៅប្រទេសថៃនៅថ្ងៃទី ៦–៧ ខែសីហា ខាងមុខ៕
