ក្រុមបុរាណវិទូអ៊ីតាលីបានរកឃើញអគារមួយសាងសង់នៅសតវត្សទី២ គ.ស. នៅក្បែរវិមាន កូឡូសេអ៊ុំ ក្នុងទីក្រុងរ៉ូម ដែលគេជឿថា អាចធ្លាប់ជាបន្ទាយស្នាក់នៅរបស់កងអ្នកពន្លត់អគ្គិភ័យនៃចក្រភពរ៉ូមបុរាណ។
ប្រភពពីសារព័ត៌មានReuter នៅថ្ងៃទី៦ខែសីហា។
ការជីកកកាយនៅឧទ្យាន Villa Celimontana បានបង្ហាញបន្ទប់ចំនួន ៥ ក្នុងចំណោម ៨ បន្ទប់របស់អគារនេះ ព្រមទាំងកម្រាលម៉ូសៃក និងគំនូរលើជញ្ជាំង (frescoes) ដែលនៅរក្សាសភាពបានល្អ។ ក្រុមអ្នកជំនាញរំពឹងថា ការរកឃើញនេះនឹងជួយបន្ថែមការយល់ដឹងអំពីជីវភាព និងការរៀបចំរបស់កងអ្នកពន្លត់អគ្គិភ័យក្នុងសម័យរ៉ូមបុរាណ៕
