គ្រោះរញ្ជួយដីកម្រិត ៥.៨ រ៉ិចទ័រ បានវាយប្រហារនៅជិតឆ្នេរសមុទ្រភាគខាងជើងនៃប្រទេសប៉េរូ កាលពីថ្ងៃទី ២៧ ខែធ្នូ ឆ្នាំ ២០២៥ នេះបើយោងតាមមជ្ឈមណ្ឌលស្រាវជ្រាវភូមិសាស្ត្រអាល្លឺម៉ង់ (GFZ)។
ប្រភពពីសារព័ត៌មានReuters។
GFZ បានបញ្ជាក់ថា គ្រោះរញ្ជួយដីនេះមានជម្រៅប្រហែល ១០ គីឡូម៉ែត្រ ដែលធ្វើឲ្យប្រជាពលរដ្ឋនៅតំបន់ជិតកន្លែងកើតហេតុមានការភ្ញាក់ផ្អើល និងចេញមកឈរនៅខាងក្រៅផ្ទះរបស់ពួកគេ ដើម្បីសុវត្ថិភាព។ រហូតមកដល់ពេលនេះ មិនទាន់មានរបាយការណ៍អំពីការខូចខាតធ្ងន់ធ្ងរ ឬការបាត់បង់ជីវិតឡើយ។
អាជ្ញាធរប៉េរូនៅតែបន្តតាមដានស្ថានការណ៍យ៉ាងជិតស្និទ្ធ ខណៈប្រទេសនេះស្ថិតនៅតំបន់ដែលងាយនឹងរងគ្រោះរញ្ជួយដីជាញឹកញាប់ ដោយសារតែស្ថានភាពភូមិសាស្ត្រនៅតាមបណ្តោយឆ្នេរសមុទ្រប៉ាស៊ីហ្វិក៕