អគ្គរដ្ឋទូតចិន លោក វ៉ាង វិនពីន បានបង្ហោះសារលើហ្វេសប៊ុកនៅថ្ងៃទី២៨ ខែធ្នូ ឆ្នាំ២០២៥ថា ជំនួយដំបូងរបស់ចិនបានមកដល់កម្ពុជា ដែលរួមមានតង់ ភួយ និងអាហារដើម្បីជួយដល់ជនភៀសសឹកកម្ពុជា។
លោកសង្ឃឹមថា ការផ្គត់ផ្គង់ទាំងនេះនឹងក្លាយជាជំនួយទាន់ពេលវេលាសម្រាប់ប្រជាជនកម្ពុជា ដែលរងផលប៉ះពាល់ដោយជម្លោះ ដើម្បីកែលម្អស្ថានភាពរស់នៅ និងជម្នះការលំបាកនាពេលបច្ចុប្បន្ន។
សូមជម្រាបថា កិច្ចព្រមព្រៀងឈប់បាញ់រយៈពេល៧២ម៉ោង គឺបានធ្វើឡើងកាលពីព្រឹកថ្ងៃទី២៧.១២.២០២៥ រវាងរដ្ឋមន្ត្រីការពារជាតិកម្ពុជា និងថៃ ដោយបានចូលជាធរមាន នៅម៉ោង១២ថ្ងៃត្រង់ក្នុងថ្ងៃទី២៧.១២.២០២៥៕