ប្រធានាធិបតីអាមេរិក លោក Donald Trump បានអះអាងថា ការវាយប្រហារថ្មីៗរបស់សហរដ្ឋអាមេរិកបានបំផ្លាញតំបន់កំពង់ផែឆ្នេរសមុទ្រមួយនៅប្រទេសវេណេស៊ុយអេឡា ដែលត្រូវបានចោទប្រកាន់ថា ប្រើសម្រាប់ផ្ទុក និងដឹកជញ្ជូនគ្រឿងញៀនតាមសមុទ្រ។
ប្រភពពីសារព័ត៌មានAnadolu Agencyនៅថ្ងៃទី៣០ខែធ្នូ។
ថ្លែងទៅកាន់អ្នកសារព័ត៌មានមុនកិច្ចប្រជុំជាមួយនាយករដ្ឋមន្ត្រីអ៊ីស្រាអែល លោក Benjamin Netanyahu លោក Trump បាននិយាយថា សហរដ្ឋអាមេរិកបានវាយប្រហារទូក និងតំបន់ឆ្នេរសមុទ្រដែលពាក់ព័ន្ធនឹងការជួញដូរគ្រឿងញៀន ប៉ុន្តែមិនបានបញ្ជាក់ថាទីភ្នាក់ងារណាអនុវត្តប្រតិបត្តិការនោះឡើយ។
លោក Trump ក៏បានបញ្ជាក់ថា លោកបាននិយាយទូរស័ព្ទជាមួយប្រធានាធិបតីវេណេស៊ុយអេឡា លោក Nicolas Maduro ថ្មីៗនេះ ប៉ុន្តែមិនមានលទ្ធផលជាក់លាក់ណាមួយ។ ទីក្រុងការ៉ាកាសមិនទាន់មានប្រតិកម្មជាផ្លូវការចំពោះការអះអាងនៃការវាយប្រហារនេះទេ៕