រដ្ឋ Minnesota និងទីក្រុងធំៗរបស់ខ្លួន គឺ Minneapolis និង St. Paul បានដាក់បណ្តឹងប្រឆាំងនឹងរដ្ឋាភិបាលសហព័ន្ធអាមេរិក និងរដ្ឋបាលប្រធានាធិបតី Donald Trump ដើម្បីស្នើឱ្យបញ្ឈប់ការបង្ក្រាបអន្តោប្រវេសន៍ដែលកំពុងកើនឡើងខ្លាំងនៅក្នុងតំបន់ Twin Cities។ បណ្តឹងនេះកើតឡើងបន្ទាប់ពីហេតុការណ៍បាញ់សម្លាប់ស្ត្រីម្នាក់ឈ្មោះ Renee Good មន្ត្រីអន្តោប្រវេសន៍សហព័ន្ធ (ICE) នៅទីក្រុង Minneapolis ដែលបានបង្កឱ្យមានកំហឹង និងការតវ៉ាទូទាំងប្រទេស។
ប្រភពពីសារព័ត៌មានAp។
រដ្ឋ Minnesota បានចោទប្រកាន់ក្រសួងសន្តិសុខមាតុភូមិ (DHS) ថា បានរំលោភលើវិសោធនកម្មទីមួយ និងការការពាររដ្ឋធម្មនុញ្ញផ្សេងៗ ដោយអនុវត្តប្រតិបត្តិការអន្តោប្រវេសន៍យ៉ាងឈ្លានពាន និងខុសច្បាប់។ បណ្តឹងនេះស្នើសុំដីកាហាមឃាត់បណ្តោះអាសន្ន ដើម្បីបញ្ឈប់សកម្មភាពអនុវត្តច្បាប់របស់សហព័ន្ធនៅក្នុងរដ្ឋ។
អគ្គព្រះរាជអាជ្ញារដ្ឋ Minnesota លោក Keith Ellison បានថ្លែងថា សកម្មភាពរបស់សហព័ន្ធជាការឈ្លានពានលើសិទ្ធិរដ្ឋ និងទីក្រុង ហើយបានបង្កការភ័យខ្លាចយ៉ាងទូលំទូលាយក្នុងសហគមន៍ ដោយសារមន្ត្រីប្រដាប់អាវុធដែលត្រូវបានចោទថាមានការបណ្តុះបណ្តាលមិនគ្រប់គ្រាន់ និងប្រព្រឹត្តខុសច្បាប់៕