យ៉ាងហោចណាស់មនុស្ស២៧នាក់ត្រូវបានសម្លាប់ និងរងរបួសជាច្រើននាក់ បន្ទាប់ពីកងកម្លាំងគាំទ្ររហ័ស (RSF) របស់យោធាប៉ារ៉ាស៊ូដង់ បានប្រើដ្រូនវាយប្រហារលើមូលដ្ឋានទ័ពមួយនៅទីក្រុង ស៊ីនចា (Sinja) រដ្ឋ Sennar ភាគអាគ្នេយ៍របស់ប្រទេសស៊ូដង់។
ប្រភពពីសារព័ត៌មានAl Jazeera នៅថ្ងៃទី១៣ខែមករាឆ្នាំ២០២៦។
ការវាយប្រហារនេះកើតឡើងកាលពីថ្ងៃចន្ទ ស្របពេលដែលរដ្ឋាភិបាលសម្ព័ន្ធនឹងកងកម្លាំងប្រដាប់អាវុធស៊ូដង់ (SAF) ប្រកាសថានឹងវិលត្រឡប់មកកាន់រដ្ឋធានី ខាទុំ វិញ បន្ទាប់ពីបានផ្លាស់ទីមូលដ្ឋានប្រតិបត្តិការទៅកាន់កំពង់ផែស៊ូដង់អស់រយៈពេលជិតបីឆ្នាំ។ ប្រភពយោធាបានឱ្យដឹងថា ការវាយប្រហារបានប៉ះពាល់ទាំងមន្ត្រីរដ្ឋាភិបាល កម្លាំងសន្តិសុខ និងជនស៊ីវិលដែលអមដំណើរ៕