អាជ្ញាធរឈីលីកំពុងបន្តប្រយុទ្ធប្រឆាំងនឹងភ្លើងឆេះព្រៃដ៏ធ្ងន់ធ្ងរ ដែលបានសម្លាប់មនុស្សយ៉ាងហោចណាស់ ១៩ នាក់ បង្ខំឱ្យប្រជាជនប្រមាណ ៥០.០០០ នាក់ជម្លៀសចេញពីលំនៅឋាន និងធ្វើឱ្យមនុស្សប្រហែល ១.៥០០ នាក់គ្មានផ្ទះសម្បែង។ ភ្លើងបានឆាបឆេះដីរាប់ម៉ឺនហិកតា នៅតំបន់កណ្តាល និងភាគខាងត្បូងប្រទេស។
ប្រភពពីសារព័ត៌មានABC នៅថ្ងៃទី២១ខែមករា។
យោងតាមអាជ្ញាធរជាតិគ្រប់គ្រងគ្រោះមហន្តរាយ ភ្លើងឆេះព្រៃចំនួន ១៥ កន្លែងនៅតែសកម្ម ហើយបានបំផ្លាញផ្ទះ យានយន្ត ហេដ្ឋារចនាសម្ព័ន្ធ និងព្រៃឈើជាច្រើន។ ប្រធានាធិបតី Gabriel Boric បានប្រកាសស្ថានភាពគ្រោះមហន្តរាយនៅតំបន់ Biobio និង Ñuble ដើម្បីអនុញ្ញាតឱ្យយោធាចូលរួមជួយគ្រប់គ្រងស្ថានការណ៍។
លោក Boric បានបញ្ជាក់ថា ភ្លើងឆេះព្រៃបានឆាបឆេះផ្ទៃដីយ៉ាងហោចណាស់ ៣០.០០០ ហិកតា ក្រោមលក្ខខណ្ឌអាកាសធាតុអាក្រក់ រួមមានសីតុណ្ហភាពខ្ពស់ ខ្យល់ខ្លាំង និងកង្វះសំណើម។ រដ្ឋាភិបាលឈីលីក៏បានថ្លែងអំណរគុណដល់ប្រទេសជិតខាង ដូចជា ម៉ិកស៊ិក អាហ្សង់ទីន និងប្រេស៊ីល ដែលបានផ្តល់ជំនួយអ្នកពន្លត់អគ្គីភ័យ និងសម្ភារៈផងដែរ៕