ចំនួនអ្នកស្លាប់ដោយសារការផ្ទុះរោងចក្រផលិតដែកថែបមួយនៅភាគខាងជើងប្រទេសចិន បានកើនដល់៩នាក់ ខណៈមនុស្ស៨៤នាក់ផ្សេងទៀតរងរបួស។
ប្រភពពីសារព័ត៌មានAnadu Agency នៅថ្ងៃទី២១ខែមករា។
ការផ្ទុះបានកើតឡើងកាលពីថ្ងៃអាទិត្យ នៅរោងចក្ររបស់ក្រុមហ៊ុន Baogang United Steel ក្នុងទីក្រុងបាវទូ បន្ទាប់ពីធុងរាងស្វ៊ែរទំហំប្រហែល ៦៥០ ម៉ែត្រគូប ដែលមានទឹកពេញនិងចំហាយទឹក បានផ្ទុះឡើង។ អ្នករងរបួសភាគច្រើនមានរបួសស្រាល ដូចជា របួសមុខ។
បន្ទាប់ពីហេតុការណ៍នេះ អាជ្ញាធរបានបញ្ជាឱ្យផ្អាកការផលិតនៅរោងចក្រ និងអនុវត្តការត្រួតពិនិត្យសុវត្ថិភាពទូទាំងទីក្រុងលើសហគ្រាសឧស្សាហកម្ម និងពាណិជ្ជកម្ម។ រដ្ឋាភិបាលតំបន់ស្វយ័តបានបង្កើតក្រុមស៊ើបអង្កេត ដើម្បីស្វែងរកមូលហេតុនៃការផ្ទុះ និងកំណត់ការទទួលខុសត្រូវ ខណៈវិធានការផ្លូវច្បាប់ត្រូវបានអនុវត្តចំពោះបុគ្គលពាក់ព័ន្ធ៕