មនុស្សយ៉ាងហោចណាស់៥នាក់ត្រូវបានសម្លាប់និង៣នាក់ផ្សេងទៀតរងរបួស ក្នុងការវាយប្រហារដោយគ្រាប់បែក លើក្បួនរថយន្តយោធាមួយ នៅជិតទីក្រុង Aden ភាគខាងត្បូងប្រទេសយេម៉ែន កាលពីថ្ងៃទី ២១ ខែមករា ឆ្នាំ ២០២៦។
អាជ្ញាធរបានពណ៌នាការវាយប្រហារនេះថាជា«អំពើភេរវកម្មក្បត់»។
ប្រភពពីសារព័ត៌មានAl Jazeera។
ការវាយប្រហារបានកំណត់គោលដៅ លើក្បួនរថយន្តដែលដឹក Hamdi Shukri មេបញ្ជាការនៃកងពលតូច Giants Brigades ដែលជាកងកម្លាំងសម្ព័ន្ធមិត្តរបស់រដ្ឋាភិបាលយេម៉ែន និងទទួលបានការគាំទ្រពីអារ៉ាប៊ីសាអូឌីត។
ប្រភពសន្តិសុខបានបញ្ជាក់ថា គ្រាប់បែករថយន្តមួយបានផ្ទុះនៅចំហៀងផ្លូវក្នុងតំបន់ Ja’awla ខណៈក្បួនរថយន្តកំពុងឆ្លងកាត់។
លោក Shukri បានរួចផុតពីការស្លាប់ ប៉ុន្តែរងរបួសនៅជើង។
ក្រុមប្រឹក្សាភាពជាអ្នកដឹកនាំប្រធានាធិបតីយេម៉ែន ដែលគាំទ្រដោយអារ៉ាប៊ីសាអូឌីត បានថ្កោលទោសការវាយប្រហារនេះ និងសន្យាចាត់វិធានការយ៉ាងតឹងរ៉ឹង ដើម្បីតាមចាប់ជនល្មើស៕