កាលពីថ្ងៃអាទិត្យយ៉ាងហោចណាស់ មនុស្សម្នាក់បានស្លាប់ និង ៧ នាក់ទៀតរងរបួស ក្នុងការវាយប្រហាររបស់អ៊ីស្រាអែលនៅភាគខាងត្បូងប្រទេសលីបង់។
ប្រភពពីសារព័ត៌មានAnadolu agencyនៅថ្ងៃទី២ខែកុម្ភៈ។
ការវាយប្រហារមួយបានបាញ់ទៅលើទីក្រុង Ebba ក្នុងខេត្ត Nabatieh បណ្ដាលឱ្យមនុស្សម្នាក់ស្លាប់ និង ៦ នាក់ទៀតរងរបួស។ ដោយឡែក មនុស្សម្នាក់ទៀតបានរងរបួស បន្ទាប់ពីរថយន្តមួយត្រូវបានដ្រូនរបស់អ៊ីស្រាអែលវាយប្រហារ និងឆាបឆេះនៅទីក្រុង Harouf។
អាជ្ញាធរលីបង់បានចោទប្រកាន់អ៊ីស្រាអែលថាបន្តរំលោភបទឈប់បាញ់ ដែលបានបណ្ដាលឱ្យមានអ្នកស្លាប់ និងរបួសរាប់រយនាក់ ខណៈអ៊ីស្រាអែលនៅតែបន្តកាន់កាប់តំបន់យុទ្ធសាស្ត្រមួយចំនួននៅលីបង់៕