ប្រមុខកងទ័ពអ៊ីស្រាអែល លោក Eyal Zamir បានព្យាករណ៍ថា សហរដ្ឋអាមេរិកអាចបើកការវាយប្រហារយោធាប្រឆាំងនឹងអ៊ីរ៉ង់ ក្នុងរយៈពេលចន្លោះពី២សប្តាហ៍ទៅ ២ខែខាងមុខ ដោយចាត់ទុកថាស្ថានការណ៍បច្ចុប្បន្នស្ថិតក្នុងអំឡុងពេលនៃភាពមិនប្រាកដប្រជា។
ប្រភពពីសារព័ត៌មានAnadolu Agency នៅថ្ងៃទី២ខែកុម្ភៈ។
សារព័ត៌មានអ៊ីស្រាអែលរាយការណ៍ថា ការសម្រេចចិត្តរបស់វ៉ាស៊ីនតោនមិនត្រូវបានចែករំលែកពេញលេញជាមួយអ៊ីស្រាអែលទេ ហើយអ៊ីស្រាអែលក៏មានការព្រួយបារម្ភថា ប្រធានាធិបតីអាមេរិក ដូណាល់ ត្រាំ អាចឈានដល់កិច្ចព្រមព្រៀងនុយក្លេអ៊ែរជាមួយអ៊ីរ៉ង់ ដោយមិនរួមបញ្ចូលបញ្ហាមីស៊ីលផ្លោង។
ក្នុងពេលជាមួយគ្នា កាសែតហិរញ្ញវត្ថុ Calcalist ប៉ាន់ប្រមាណថា ការចំណាយលើសង្គ្រាមដែលអាចកើតមានប្រឆាំងនឹងអ៊ីរ៉ង់ អាចឡើងដល់ប្រហែល ១០ ពាន់លានដុល្លារ ឬច្រើនជាងនេះ អាស្រ័យលើរយៈពេល និងកម្រិតជម្លោះ។ មន្ត្រីសន្តិសុខអ៊ីស្រាអែលបានព្រមានថា សូម្បីតែមិនមានការវាយប្រហារដោយផ្ទាល់ ការចំណាយលើការការពារដែនអាកាសក៏អាចមានតម្លៃរាប់ពាន់លានដុល្លារផងដែរ៕