មនុស្សជិត ២០០ នាក់ត្រូវបានសម្លាប់ក្នុងការវាយប្រហារដាច់ដោយឡែកពីគ្នារបស់ក្រុមខ្មាន់កាំភ្លើង នៅតំបន់ភាគកណ្តាល និងភាគខាងជើងនៃប្រទេសនីហ្សេរីយ៉ា ខណៈកងកម្លាំងសន្តិសុខកំពុងស្វែងរកអ្នករស់រានមានជីវិត និងដេញតាមអ្នកវាយប្រហារ។
ប្រភពពីសារព័ត៌មានCNN នៅថ្ងៃទី៥ខែកុម្ភៈ។
នៅរដ្ឋ Kwara ភាគកណ្តាល ប្រហែល ១៧០ នាក់ត្រូវបានសម្លាប់ នៅសហគមន៍ Woro កាលពីថ្ងៃអង្គារ តាមការបញ្ជាក់របស់តំណាងច្បាប់ក្នុងតំបន់ លោក Saidu Baba Ahmed។ នេះត្រូវបានចាត់ទុកថា ជាការវាយប្រហារដ៏សាហាវបំផុតក្នុងឆ្នាំនេះ នៅតំបន់ដែលមានព្រំប្រទល់ជាប់រដ្ឋ Niger និងតែងតែរងគ្រោះពីការវាយឆ្មក់ ការចាប់ជំរិត និងការលួចសត្វពាហនៈ។
ប៉ូលីសបានបញ្ជាក់ថា មានមនុស្សជាច្រើននាក់ត្រូវបានសម្លាប់ ប៉ុន្តែមិនបានបញ្ជាក់ចំនួនជាក់លាក់នោះទេ ខណៈស្ថានការណ៍សន្តិសុខនៅតំបន់ដាច់ស្រយាលនៃប្រទេសនីហ្សេរីយ៉ានៅតែមានភាពអាសន្ន៕