ប្រទេសអារ៉ាប់រួម ប្រកាសថាប្រព័ន្ធការពារដែនអាកាសរបស់ខ្លួនបានស្ទាក់ចាប់មីស៊ីលចំនួន១៥គ្រាប់ និងដ្រូនចំនួន ១៤៨គ្រឿង ដែលបាញ់ចេញពី អ៊ីរ៉ង់ កាលពីថ្ងៃចន្ទ។
ប្រភពពីសារព័ត៌មានAnadolu Agency នៅថ្ងៃទី៣ខែមីនា។
ក្រសួងការពារជាតិអារ៉ាប់រួមបញ្ជាក់ថា ចាប់តាំងពីថ្ងៃសៅរ៍មក មានមីស៊ីលសរុប ១៧៤ គ្រាប់ និងដ្រូន ៦៨៩ គ្រឿងត្រូវបានរកឃើញ។ ក្នុងចំណោមនេះ មីស៊ីល ១៦១ គ្រាប់ត្រូវបានស្ទាក់ចាប់បាន ខណៈ ១៣ គ្រាប់ធ្លាក់ចូលសមុទ្រ។ ចំពោះដ្រូនវិញ មាន ៦៤៥ គ្រឿងត្រូវបានបំផ្លាញ ខណៈ ៤៤ គ្រឿងធ្លាក់ក្នុងទឹកដីប្រទេស។
ការវាយប្រហារនេះបណ្តាលឲ្យមនុស្ស ៣ នាក់ស្លាប់ និង ៦៨ នាក់រងរបួសស្រាល។ អារ៉ាប់រួមបានថ្កោលទោសសកម្មភាពនេះថាជាទង្វើឈ្លានពានដោយចេតនានិងជាការរំលោភលើអធិបតេយ្យភាពជាតិ៕