នៅថ្ងៃទី៣ ខែមីនា ឆ្នាំ២០២៦ អ៊ីរ៉ង់ បានប្រកាសថានឹងធានាសុវត្ថិភាពពលរដ្ឋ និងស្ថាប័នចិននៅក្នុងប្រទេស ខណៈកំពុងរងការវាយប្រហារពី សហរដ្ឋអាមេរិក និង អ៊ីស្រាអែល។
ប្រភពពីសារព័ត៌មានAl Jazeera។
ការបញ្ជាក់នេះធ្វើឡើងដោយរដ្ឋមន្ត្រីការបរទេសអ៊ីរ៉ង់ Abbas Araghchi ក្នុងការហៅទូរស័ព្ទជាមួយសមភាគីចិន Wang Yi កាលពីថ្ងៃចន្ទ។ តាមសេចក្តីថ្លែងការណ៍របស់ក្រសួងការបរទេសចិន អ៊ីរ៉ង់បានប្តេជ្ញាធានាសុវត្ថិភាពបុគ្គលិក និងអង្គភាពចិន។
លោក Araghchi បានចោទប្រកាន់ទីក្រុងវ៉ាស៊ីនតោនថា បានបើកសង្គ្រាមប្រឆាំងអ៊ីរ៉ង់ជាលើកទីពីរ ក្នុងអំឡុងពេលកំពុងមានការចរចា ដែលបានបង្ហាញសញ្ញាវិជ្ជមាននៅជុំចុងក្រោយ៕