អាជ្ញាធរអ៊ុយក្រែននិងរុស្ស៊ី ប្រកាសថាប្រទេសទាំងពីរបានដោះលែងអ្នកទោសសង្គ្រាមចំនួន២០០នាក់ទៅវិញទៅមកខណៈកិច្ចខិតខំស្វែងរកសន្តិភាពនៅតែជាប់គាំង។
ប្រភពពីសារព័ត៌មានAl Jazeera នៅថ្ងៃទី៦ខែមីនា។
ការផ្លាស់ប្តូរនេះគឺជាផ្នែកមួយនៃកិច្ចព្រមព្រៀងដែលបានធ្វើឡើងក្នុងការចរចានៅទីក្រុង Geneva ប្រទេស Switzerland កាលពីខែមុន ដែលគ្រោងដោះលែងអ្នកទោសសង្គ្រាមសរុប ៥០០ នាក់ពីភាគីនីមួយៗ។ អាជ្ញាធរបានឲ្យដឹងថា អ្នកទោសដែលនៅសល់ប្រហែល ៣០០ នាក់ នឹងត្រូវដោះលែងបន្តនៅថ្ងៃបន្ទាប់។
ប្រធានាធិបតីអ៊ុយក្រែន Volodymyr Zelenskyy បាននិយាយថា ការវិលត្រឡប់របស់អ្នកទោសជាដំណឹងល្អសម្រាប់គ្រួសារជាច្រើន ហើយបានអរគុណដល់អាមេរិកដែលបានជួយសម្របសម្រួលការផ្លាស់ប្តូរនេះ៕