អ្នកបោះឆ្នោតនៅទូទាំងសហរដ្ឋអាមេរិក ត្រៀមចូលរួមការបោះឆ្នោតពាក់កណ្តាលអាណត្តិនៅថ្ងៃទី៣ ខែវិច្ឆិកា ដែលនឹងកំណត់ថា គណបក្សណានឹងគ្រប់គ្រងសភា និងមានឥទ្ធិពលលើការអនុវត្តគោលនយោបាយរបស់ប្រធានាធិបតី ដូណាល់ ត្រាំ ក្នុងរយៈពេលពីរឆ្នាំចុងក្រោយនៃអាណត្តិរបស់លោក។
សារព័ត៌មានTRT World នៅថ្ងៃទី២៩ខែតុលា។
ការបោះឆ្នោតនេះរួមមានអាសនៈទាំង ៤៣៥ នៅក្នុងសភាតំណាងរាស្ត្រ និងអាសនៈចំនួន ៣៥ ក្នុងចំណោម ១០០ អាសនៈនៅព្រឹទ្ធសភា។
បច្ចុប្បន្ន គណបក្សសាធារណរដ្ឋមាន ៥៣ អាសនៈក្នុងព្រឹទ្ធសភា ខណៈគណបក្សប្រជាធិបតេយ្យមាន ៤៥ អាសនៈ និងសមាជិកឯករាជ្យពីររូបដែលគាំទ្រគណបក្សប្រជាធិបតេយ្យ។ ដូច្នេះ គណបក្សប្រជាធិបតេយ្យត្រូវការឈ្នះបន្ថែមយ៉ាងតិច ៤ អាសនៈ ដើម្បីទទួលបានសំឡេងភាគច្រើន។
ការកើនឡើងនៃតម្លៃប្រេងឥន្ធនៈ ការមិនពេញចិត្តចំពោះពន្ធគយ និងការជ្រើសរើសបេក្ខជនថ្មីៗរបស់គណបក្សប្រជាធិបតេយ្យ បានធ្វើឱ្យការប្រកួតប្រជែងនៅរដ្ឋមួយចំនួនដែលគាំទ្រគណបក្សសាធារណរដ្ឋកាន់តែតឹងតែង។
នៅរដ្ឋមីឈីហ្គែន បេក្ខជនគណបក្សប្រជាធិបតេយ្យ លោក អាប់ឌុល អែល-សាយ៉េដ កំពុងប្រកួតប្រជែងជាមួយបេក្ខជនគណបក្សសាធារណរដ្ឋ លោក ម៉ៃក៍ រ៉ូជើស ដើម្បីដណ្តើមអាសនៈព្រឹទ្ធសភាដែលនឹងទំនេរ។ ការស្ទង់មតិរបស់សារព័ត៌មាន Detroit News និង WDIV-TV បង្ហាញថា លោក អែល-សាយ៉េដ នាំមុខដោយទទួលបាន ៥១,៤% ខណៈលោក រ៉ូជើស ទទួលបាន ៤៥,១%។
ប្រសិនបើលោក អែល-សាយ៉េដ ឈ្នះការបោះឆ្នោត លោកនឹងក្លាយជាជនមូស្លីមដំបូងគេដែលជាប់ឆ្នោតជាសមាជិកព្រឹទ្ធសភាសហរដ្ឋអាមេរិក៕
