មន្ត្រីប៉ាគីស្ថានបានបញ្ជាក់ថាអ៊ីរ៉ង់ បានទទួលសំណើឈប់បាញ់ចំនួន១៥ចំណុចពីសហរដ្ឋអាមេរិក ក្នុងគោលបំណងបញ្ចប់សង្គ្រាមកំពុងបន្ត។ សំណើនេះរួមមានការបន្ធូរបន្ថយទណ្ឌកម្ម កិច្ចសហប្រតិបត្តិការនុយក្លេអ៊ែរស៊ីវិល ការកំណត់កម្មវិធីនុយក្លេអ៊ែររបស់អ៊ីរ៉ង់ និងការត្រួតពិនិត្យដោយទីភ្នាក់ងារថាមពលអាតូមិកអន្តរជាតិ ព្រមទាំងការធានាការដឹកជញ្ជូនតាមច្រកសមុទ្រHormuz។
ប្រភពពីសារព័ត៌មានAP នៅថ្ងៃទី២៥ខែមីនា។
ទោះបីជាយ៉ាងនេះ មន្ត្រីយោធាអ៊ីរ៉ង់បានបដិសេធ និងចំអកថា សហរដ្ឋអាមេរិកកំពុងបង្កើតព័ត៌មានក្លែងក្លាយ ខណៈដែលប្រធានាធិបតី Donald Trump នៅតែអះអាងថាការទូតកំពុងដំណើរការ។
នៅពេលដូចគ្នា សហរដ្ឋអាមេរិកកំពុងបង្កើនកម្លាំងយោធានៅតំបន់ ដោយគ្រោងបញ្ជូនទាហានបន្ថែមរាប់ពាន់នាក់ទៅមជ្ឈិមបូព៌ា។ ខណៈសង្គ្រាមបន្ត ការបាត់បង់ជីវិតបានកើនឡើងយ៉ាងខ្លាំង ដោយមានមនុស្សស្លាប់ជាង ១៥០០ នាក់នៅអ៊ីរ៉ង់ និងរាប់ពាន់នាក់នៅតំបន់ផ្សេងៗ ហើយមនុស្សរាប់លាននាក់ត្រូវបានផ្លាស់ទីលំនៅ៕