អ៊ីរ៉ង់បានចោទប្រកាន់សហរដ្ឋអាមេរិកថា បានក្បត់ការទូតពីរដង ដោយអះអាងថាការវាយប្រហារយោធាបានកើតឡើង ខណៈពេលកំពុងមានការចរចា។ ក្នុងបទសម្ភាសន៍ជាមួយសារព័ត៌មាន India Today Global អ្នកនាំពាក្យក្រសួងការបរទេស Esmail Baghaei បាននិយាយថា សហរដ្ឋអាមេរិកបានវាយប្រហារអ៊ីរ៉ង់នៅពាក់កណ្តាលការចរចា ហើយបានធ្វើដូច្នេះម្តងហើយម្តងទៀត។
ប្រភពពីសារព័ត៌មានIndia today នៅថ្ងៃទី២៥ខែមីនា។
លោកបានបញ្ជាក់ថា អ៊ីរ៉ង់មិនទុកចិត្តលើការចរចាថ្មីទៀតទេ ហើយព្រមានថា សំណើឈប់បាញ់ណាមួយអាចជាការបិទបាំងសម្រាប់សកម្មភាពយោធាបន្ថែម។
ជម្លោះរវាងអ៊ីរ៉ង់ អាមេរិកនិងអ៊ីស្រាអែល បានបន្តដល់ថ្ងៃទី ២៥ ហើយបង្ហាញពីភាពតានតឹងខ្ពស់ ដោយអ៊ីរ៉ង់យល់ថាខ្លួនត្រូវបានបោកបញ្ឆោត និងវាយប្រហារពេលកំពុងស្វែងរកដំណោះស្រាយតាមផ្លូវការទូត៕