កងកម្លាំងឆ្មាំបដិវត្តន៍អ៊ីរ៉ង់ នៅថ្ងៃអាទិត្យ ២៩មីនា ឆ្នាំ២០២៦ បានគំរាមវាយប្រហារ សាកលវិទ្យាល័យទាំងឡាយរបស់សហរដ្ឋអាមេរិក នៅមជ្ឈិមបូព៌ា។
ដោយលើកឡើងថា ការវាយប្រហាររួមគ្នារបស់សហរដ្ឋអាមេរិក និងអ៊ីស្រាអែល បានបំផ្លាញសាកលវិទ្យាល័យអ៊ីរ៉ង់ចំនួន២រួចមកហើយ!។
សេចក្តីថ្លែងការណ៍ ដែលបានចេញផ្សាយដោយប្រព័ន្ធផ្សព្វផ្សាយអ៊ីរ៉ង់បាននិយាយថា ប្រសិនបើរដ្ឋាភិបាលអាមេរិកចង់ឱ្យ សាកលវិទ្យាល័យរបស់ខ្លួននៅក្នុងតំបន់នេះ រួចផុតពីការសងសឹក ។
ខ្លួនត្រូវតែថ្កោលទោសការទម្លាក់គ្រាប់បែកលើ សាកលវិទ្យាល័យរបស់អ៊ីរ៉ង់ នៅក្នុងសេចក្តីថ្លែងការណ៍ផ្លូវការមួយត្រឹមម៉ោង១២ ថ្ងៃត្រង់ថ្ងៃចន្ទ ទី៣០ ខែមីនា ម៉ោងនៅទីក្រុងតេអេរ៉ង់។
សេចក្តីថ្លែងការណ៍នេះ បន្ថែមថា អ៊ីរ៉ង់ណែនាំបុគ្គលិក សាស្ត្រាចារ្យ និងនិស្សិតទាំងអស់ នៃបណ្ដាសាកលវិទ្យាល័យអាមេរិក នៅក្នុងតំបន់ និងអ្នកស្រុករស់នៅតំបន់ជុំវិញ របស់សាកលវិទ្យាល័យនានា ឱ្យនៅចម្ងាយមួយគីឡូម៉ែត្រ ពីបរិវេណសាកលវិទ្យាល័យទាំងនោះ។
សាកលវិទ្យាល័យអាមេរិក ជាច្រើនស្ថិតនៅពាសពេញតំបន់ឈូងសមុទ្រ ដូចជាសាកលវិទ្យាល័យ Texas A&M ក្នុងប្រទេសកាតា និងសាកលវិទ្យាល័យ New York University នៅអារ៉ាប់រួមជាដើម៕