អាជ្ញាធរអ៊ីរ៉ាក់ បានចាប់ខ្លួនមន្ត្រីរដ្ឋចំនួន៤៧នាក់ ក្នុងនោះមាន សមាជិកសភា ១៣នាក់ ពាក់ព័ន្ធនឹងសំណុំរឿងអំពើពុករលួយ និងការប្រើប្រាស់មូលនិធិសាធារណៈខុសគោលបំណង។
ប្រភពពីសារព៏ត៌មានAnadolu Agency នៅថ្ងៃទី២៩ខែមិថុនា។
ការចាប់ខ្លួននេះធ្វើឡើងបន្ទាប់ពីអតីតអនុរដ្ឋមន្ត្រីក្រសួងប្រេង Adnan al-Jumaili បានផ្តល់ចម្លើយសារភាពក្នុងការស៊ើបអង្កេត។ ក្នុងចំណោមអ្នកដែលត្រូវបានចាប់ខ្លួន មានមេដឹកនាំសម្ព័ន្ធ Azm លោក Muthanna al-Samarrai និងអ្នកនយោបាយជាច្រើនរូបទៀត។
គណៈកម្មការសុចរិតភាពសហព័ន្ធអ៊ីរ៉ាក់បានបញ្ជាក់ថា ការចាប់ខ្លួននេះធ្វើឡើងតាមដីកាតុលាការ និងជាផ្នែកនៃយុទ្ធនាការបង្ក្រាបអំពើពុករលួយ បន្ទាប់ពីការស៊ើបអង្កេត និងសវនកម្មយ៉ាងទូលំទូលាយ៕
