កូរ៉េខាងត្បូង បានប្រកាសយុទ្ធសាស្ត្រឧស្សាហកម្មថ្មី ដោយគ្រោងវិនិយោគជាង១លានលានដុល្លារ ក្នុងវិស័យបញ្ញាសិប្បនិម្មិត (AI) និងបន្ទះឈីប (Semiconductor) ដើម្បីពង្រឹងសមត្ថភាពប្រកួតប្រជែងរបស់ប្រទេសក្នុងបច្ចេកវិទ្យាអនាគត។
ប្រភពពីសារព័ត៌មានAnadolu Agency នៅថ្ងៃទី២៩ខែមិថុនា។
លោកLee Jae Myung បានអះអាងថា ការជំរុញនេះគឺជា ការប្រណាំងជាមួយពេលវេលា ដើម្បីធានាឱ្យកូរ៉េខាងត្បូងរក្សាភាពនាំមុខក្នុងការអភិវឌ្ឍ AI។ ផែនការនេះផ្តោតលើវិស័យសំខាន់ៗចំនួន ៣ គឺ បន្ទះឈីប, AI រូបវន្ត (Physical AI) និងមជ្ឈមណ្ឌលទិន្នន័យ (Data Centers)។
រដ្ឋាភិបាលរំពឹងថា ការវិនិយោគដ៏ធំនេះនឹងជួយពង្រឹងឧស្សាហកម្មបច្ចេកវិទ្យារបស់កូរ៉េខាងត្បូង និងបង្កើនសមត្ថភាពប្រកួតប្រជែងក្នុងទីផ្សារ AI និងបន្ទះឈីបពិភពលោក៕
