ប្រទេសចិន បានប្រកាសផ្តល់ជំនួយសង្គ្រោះបន្ទាន់ចំនួន១០០ លានយ័ន(ប្រហែល ១៤,៧ លានដុល្លារ) ដល់ប្រទេសវេណេស៊ុយអេឡា ដើម្បីគាំទ្រការសង្គ្រោះនិងការស្តារឡើងវិញ បន្ទាប់ពីរញ្ជួយដីដ៏ខ្លាំងចំនួន២ បានវាយប្រហារកាលពីសប្តាហ៍មុន។
ប្រភពពីសារព័ត៌មានAnadolu Agency នៅថ្ងៃទី២៩ខែមិថុនា។
ជំនួយនេះរួមមានសម្ភារៈសង្គ្រោះបន្ទាន់ រូបភាពផ្កាយរណប និងការគាំទ្រផ្នែកបច្ចេកទេស ដើម្បីជួយវាយតម្លៃការខូចខាត សម្របសម្រួលប្រតិបត្តិការជួយសង្គ្រោះ និងរៀបចំផែនការស្តារតំបន់រងគ្រោះឡើងវិញ។
គិតត្រឹមថ្ងៃទី២៩ ខែមិថុនា ចំនួនអ្នកស្លាប់ដោយសាររញ្ជួយដីបានកើនដល់ ១.៤៥០ នាក់ ខណៈ ៣.១៥០ នាក់រងរបួស និងជាង ១២.៧២១ នាក់ ត្រូវបានផ្លាស់ទីលំនៅ ឬរងផលប៉ះពាល់ដោយគ្រោះមហន្តរាយ។ រញ្ជួយដីទាំងពីរមានកម្រិត ៧,២ និង ៧,៥ រ៉ិចទ័រ និងបានកើតឡើងក្នុងចន្លោះពេលត្រឹម ៣៩ វិនាទី ប៉ុណ្ណោះ៕
