ការនាំចេញប្រេងឆៅរបស់អារ៉ាប៊ីសាអូឌីត តាមកំពង់ផែ Yanbu បានកើនឡើងដល់ប្រហែល4.6 លានបារ៉ែលក្នុងមួយថ្ងៃ។
ប្រភពពីសារព័ត៌មាន Reuter នៅថ្ងៃទី៣១ខែមីនា។
យោងតាមទិន្នន័យពីក្រុមហ៊ុនតាមដានការដឹកជញ្ជូនប្រេង Kpler និង London Stock Exchange Group (LSEG) កំពង់ផែ Yanbu មានសមត្ថភាពនាំចេញអតិបរមាប្រហែល 5 លានបារ៉ែលក្នុងមួយថ្ងៃ ហើយបច្ចុប្បន្នវាគឺជាកំពង់ផែសំខាន់បំផុតសម្រាប់ការដឹកជញ្ជូនប្រេងរបស់អារ៉ាប៊ីសាអូឌីតទៅកាន់ទីផ្សារអន្តរជាតិ។
ការកើនឡើងនៃការនាំចេញតាមកំពង់ផែ Yanbu បង្ហាញថា អារ៉ាប៊ីសាអូឌីតកំពុងព្យាយាមរកផ្លូវជំនួស ដើម្បីរក្សាការផ្គត់ផ្គង់ប្រេងទៅទីផ្សារពិភពលោក ខណៈដែលស្ថានការណ៍សន្តិសុខនៅតំបន់ច្រកសមុទ្រ Hormuz នៅតែមានភាពតានតឹង៕