ក្រសួងសុខាភិបាលលីបង់ បានរាយការណ៍ថាក្នុងរយៈពេល ២៤ម៉ោងចុងក្រោយនេះ មនុស្ស២៣នាក់ត្រូវបានសម្លាប់ និង៩៨នាក់ទៀតរងរបួស ដោយសារការវាយប្រហារតាមអាកាសរបស់អ៊ីស្រាអែល។
ប្រភពពីសារព័ត៌មានAnadu Agency នៅថ្ងៃទី៤ខែមេសា។
តាមសេចក្តីថ្លែងការណ៍ដែលចេញផ្សាយនៅបេរូតចំនួនអ្នកស្លាប់សរុបចាប់តាំងពីថ្ងៃទី២ ខែមីនា បានកើនដល់ ១,៣៦៨ នាក់ ខណៈអ្នករងរបួសសរុបមាន ៤,១៣៨ នាក់។ ក្នុងចំណោមអ្នកស្លាប់ មានកុមារ១២៥នាក់ និងស្ត្រី៩១នាក់។
អាជ្ញាធរលីបង់បានព្រមានថា ស្ថានភាពសន្តិសុខកំពុងកាន់តែអាក្រក់ឡើង ខណៈចំនួនជនរងគ្រោះបន្តកើនឡើងជារៀងរាល់ថ្ងៃ៕