មនុស្សម្នាក់បានស្លាប់ និង៤នាក់ទៀតរងរបួស បន្ទាប់ពីកម្ទេចកម្ទីមីស៊ីលដែលត្រូវបានស្ទាក់ចាប់បានធ្លាក់លើរោងចក្រឧស្ម័នមួយនៅសហព័ន្ធ អារ៉ាប់រួម។
ប្រភពពីសារព័ត៌មានAnadolu Agency នៅថ្ងៃទី៤ខែមេសា។
តាមការបញ្ជាក់របស់ការិយាល័យប្រព័ន្ធផ្សព្វផ្សាយនៅ Abu Dhabi ជនជាតិអេហ្ស៊ីបម្នាក់បានបាត់បង់ជីវិត ខណៈមនុស្សបួននាក់ទៀតរងរបួសស្រាល ក្នុងអំឡុងពេលជម្លៀសចេញពីទីតាំងរោងចក្រ Habshan Gas Processing Plant នៅភាគនិរតីនៃប្រទេស។
កម្ទេចកម្ទីមីស៊ីលបានបង្កឱ្យមានអគ្គីភ័យលើទីតាំងនោះ ប៉ុន្តែក្រុមសង្គ្រោះបន្ទាន់បានចូលអន្តរាគមន៍យ៉ាងឆាប់រហ័ស ដើម្បីគ្រប់គ្រងស្ថានការណ៍។ អាជ្ញាធរបានផ្អាកប្រតិបត្តិការនៅរោងចក្រ ខណៈការវាយតម្លៃការខូចខាតកំពុងបន្ត៕