កាលពីថ្ងៃទី៤ ខែមេសា ឆ្នាំ២០២៦ មនុស្សប្រមាណ១៥នាក់បានរងរបួស បន្ទាប់ពីរថយន្តមួយគ្រឿងបុកចូលទៅក្នុងក្បួនដង្ហែរបុណ្យចូលឆ្នាំថ្មីឡាវ នៅទីក្រុង New Iberia រដ្ឋLouisianaរបស់អាមេរិក។
ប្រភពពីសារព័ត៌មានAl Jazeera នៅថ្ងៃទី៥ខែមេសា។
ការិយាល័យនគរបាលស្រុក Iberia បានបញ្ជាក់ថា តាមការស៊ើបអង្កេតដំបូង ហេតុការណ៍នេះមិនមែនជាការបុកដោយចេតនានោះទេ។ ជនរងគ្រោះមួយចំនួនរងរបួសធ្ងន់ធ្ងរ ហើយត្រូវបានបញ្ជូនទៅមន្ទីរពេទ្យជាបន្ទាន់។
ក្រុមហ៊ុនសង្គ្រោះបន្ទាន់ Acadian បានដឹកជញ្ជូនមនុស្ស ១១ នាក់ទៅមន្ទីរពេទ្យតាមរថយន្តសង្គ្រោះ ខណៈដែលជនរងគ្រោះ ២ នាក់ទៀតត្រូវបានដឹកតាមឧទ្ធម្ភាគចក្រពេទ្យ ដើម្បីទទួលការព្យាបាលបន្ទាន់។
អាជ្ញាធរកំពុងបន្តស៊ើបអង្កេត ដើម្បីកំណត់មូលហេតុពិតនៃគ្រោះថ្នាក់នេះ។
សូមបញ្ជាក់ថា៖ ក្បួនដង្ហែរបុណ្យចូលឆ្នាំថ្មីឡាវគឺជាព្រឹត្តិការណ៍ប្រពៃណីប្រចាំឆ្នាំក្នុងសហគមន៍ឡាវនៅតំបន់នេះ ដែលមានតន្ត្រីផ្ទាល់ អាហារលក់ និងកម្មវិធីកម្សាន្តផ្សេងៗ៕