នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយនៅថ្ងៃចន្ទទី០៦.០៤.២០២៦ថា អ៊ីស្រាអែល បានសម្លាប់លោក Asghar Bakri មេបញ្ជាការ Bagheri ប្រធានអង្គភាព840 នៅក្នុងកងកម្លាំង IRGC-Quds Force របស់អ៊ីរ៉ង់ ក្នុងប្រតិបត្តិការមួយយប់។
សារព័ត៌មាន Iran International នៅថ្ងៃទី៦ ខែមេសា ឆ្នាំ២០២៦។
លោក Netanyahu បាននិយាយថា លោក Bakri ទទួលខុសត្រូវចំពោះការវាយប្រហារ ដែលផ្តោតលើជនជាតិយូដា និងជនជាតិអ៊ីស្រាអែលនៅជុំវិញពិភពលោក។
លោកក៏ បាននិយាយផងដែរថា អ៊ីស្រាអែល បានសម្លាប់លោក Majid Khademi ប្រធានផ្នែកស៊ើបការណ៍សម្ងាត់ IRGC ដោយពណ៌នាលោកថាជាឥស្សរជនជាន់ខ្ពស់ម្នាក់ ដែលទើបតែឡើងកាន់តំណែង បន្ទាប់ពីអ្នកកាន់តំណែងមុនរបស់លោកត្រូវបានសម្លាប់។
លោក Netanyahu បាននិយាយថា “អ្នកណាដែលធ្វើសកម្មភាពសម្លាប់ពលរដ្ឋរបស់យើង។
អ្នកណាដែលដឹកនាំភេរវកម្មប្រឆាំងនឹងរដ្ឋអ៊ីស្រាអែល អ្នកណាដែលបង្កើតអ័ក្សអាក្រក់របស់អ៊ីរ៉ង់ ទទួលខុសត្រូវចំពោះឈាមរបស់ខ្លួន”។
លោក បាននិយាយថា អ៊ីស្រាអែលនឹងបន្តប្រតិបត្តិការ“ដោយកម្លាំង និងការតាំងចិត្ត”លើគ្រប់វិស័យរហូតដល់ការគំរាមកំហែងត្រូវបានដកចេញ និងគោលដៅសង្គ្រាមត្រូវបានសម្រេច។
លោក Majid Khademi ប្រធានអង្គភាពស៊ើបការណ៍សម្ងាត់របស់កងឆ្មាំបដិវត្តន៍។
ដែលត្រូវបានសម្លាប់នៅទីក្រុងតេអេរ៉ង់កាលពីថ្ងៃអាទិត្យ បានជាប់ពាក់ព័ន្ធនឹងសកម្មភាពប្រឆាំង នឹងអ៊ីស្រាអែល សហរដ្ឋអាមេរិក និងអ្នកប្រឆាំងអ៊ីរ៉ង់ នេះបើយោងតាមយោធាអ៊ីស្រាអែលបាននិយាយកាលពីថ្ងៃចន្ទ។
សេចក្តីថ្លែងការណ៍របស់កងកម្លាំងការពារអ៊ីស្រាអែល“លោក Khademi បានធ្វើការដើម្បីជំរុញសកម្មភាពភេរវកម្មប្រឆាំង នឹងរដ្ឋអ៊ីស្រាអែល និងប្រឆាំងនឹងគោលដៅជ្វីហ្វនៅទូទាំងពិភពលោក។
លោកក៏បានចូលរួមក្នុងការប៉ុនប៉ងកំណត់គោលដៅលើបុគ្គលអាមេរិក និងទទួលខុសត្រូវក្នុងការតាមដានជនស៊ីវិលអ៊ីរ៉ង់ ដែលជាផ្នែកមួយនៃការបង្ក្រាបការតវ៉ាផ្ទៃក្នុងរបស់របបនេះ”។
កងកម្លាំងការពារអ៊ីស្រាអែល(IDF) បានពិពណ៌នាលោកថា ជាឥស្សរជនសំខាន់ម្នាក់នៅក្នុងប្រតិបត្តិការដែលដឹកនាំទាំងនៅបរទេស និងក្នុងប្រទេសអ៊ីរ៉ង់៕