អាជ្ញាធរអ៊ីរ៉ង់ បានលើកឡើងពីមីនប្រឆាំងកប៉ាល់ ដែលអាចកើតមាននៅក្នុងផ្លូវដឹកជញ្ជូនសំខាន់ តាមរយៈផ្លូវទឹកយុទ្ធសាស្ត្រ។
យោងតាមទីភ្នាក់ងារសារព័ត៌មាន Tasnim ពាក់កណ្តាលផ្លូវការរបស់អ៊ីរ៉ង់ កប៉ាល់មួយចំនួនធំបានជាប់គាំងនៅច្រកសមុទ្រ Hormuz នៅព្រឹកថ្ងៃព្រហស្បតិ៍ទី០៩.០៤.២០២៦។
សារព័ត៌មានAnadolu។
Tasnim បាននិយាយថា កប៉ាល់ “មួយចំនួនធំ”បានជាប់គាំងនៅក្នុងផ្លូវទឹកយុទ្ធសាស្ត្រ។
របាយការណ៍នេះ បានកើតឡើងប៉ុន្មានម៉ោងបន្ទាប់ពីទូរទស្សន៍រដ្ឋអ៊ីរ៉ង់ IRIB បានដកស្រង់សម្តីអង្គការកំពង់ផែ និងដែនសមុទ្រថា កប៉ាល់ ដែលចង់ឆ្លងកាត់ច្រកសមុទ្រ ត្រូវតែសម្របសម្រួលចលនា ដោយកងទ័ពជើងទឹកនៃកងឆ្មាំបដិវត្តន៍អ៊ីស្លាម និងប្រើប្រាស់ផ្លូវ ដែលបានកំណត់។
អាជ្ញាធរកំពង់ផែ និងដែនសមុទ្របាននិយាយនៅល្ងាចថ្ងៃពុធថា វិធានការនេះគឺចាំបាច់ “ដោយសារតែស្ថានភាពសង្គ្រាមនៅឈូងសមុទ្រពែរ្ស និងវត្តមានដែលអាចកើតមាននៃមីនប្រឆាំងកប៉ាល់នៅក្នុងតំបន់ចរាចរណ៍សំខាន់នៃច្រកសមុទ្រ Hormuz”។
ការវិវឌ្ឍទាំងនេះ បានកើតឡើងមួយថ្ងៃបន្ទាប់ពីសហរដ្ឋអាមេរិក និងអ៊ីរ៉ង់បានប្រកាសពីកិច្ចព្រមព្រៀងឈប់បាញ់គ្នាដែលមានគោលបំណងបើកផ្លូវសម្រាប់កិច្ចព្រមព្រៀងចុងក្រោយ ដើម្បីបញ្ចប់សង្គ្រាម ដែលបានចាប់ផ្តើមដោយទីក្រុងវ៉ាស៊ីនតោន និងទីក្រុងតែលអាវីវប្រឆាំងនឹងទីក្រុងតេអេរ៉ង់នៅថ្ងៃទី 28 ខែកុម្ភៈ។
ខណៈពេលដែល មន្ត្រីអ៊ីរ៉ង់ និងប៉ាគីស្ថាន បាននិយាយថា កិច្ចព្រមព្រៀងនេះក៏រួមបញ្ចូលទាំងប្រទេសលីបង់ផងដែរ ។
អ៊ីស្រាអែល បានទទូចថាប្រទេសលីបង់ មិនមែនជាផ្នែកមួយនៃបទឈប់បាញ់នោះទេ៕