កាលពីថ្ងៃសុក្រ ក្រុមហេសបូឡា បានបាញ់រ៉ុក្កែតប្រហែល៣០គ្រាប់ពីលីបង់ទៅកាន់តំបន់ភាគខាងជើងនៃនៃអ៊ីស្រាអែល បណ្តាលឱ្យមនុស្សយ៉ាងហោចណាស់៤នាក់រងរបួស និងបង្កការខូចខាតអគារ និងអគ្គីភ័យនៅតំបន់មួយចំនួន។ ការវាយប្រហារនេះបានប៉ះពាល់ដល់ទីតាំងដូចជា Metula, Misgav Am និង Nahariya នេះបើយោងតាមសារព័ត៌មានអ៊ីស្រាអែល។
ប្រភពពីសារព័ត៌មានAnadolu Agency នៅថ្ងៃទី១១ខែមេសា។
ស៊ីរ៉ែនព្រមានវាយប្រហារតាមអាកាសបានបន្លឺឡើងយ៉ាងហោចណាស់២៩ ដង នៅក្នុងតំបន់ចំនួន៣៩ រួមទាំងទីក្រុង Tel Aviv និង Ashdod។ ក្រុម Hezbollah បានអះអាងថា ខ្លួនបានធ្វើការវាយប្រហារចំនួន៤៧ ដងទៅលើទីតាំងយោធា និងការតាំងទីលំនៅរបស់អ៊ីស្រាអែល ដើម្បីការពារប្រទេសលីបង់ និងឆ្លើយតបនឹងអ្វីដែលខ្លួនហៅថា ការរំលោភបទឈប់បាញ់របស់អ៊ីស្រាអែល៕