សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បាន ប្រកាសថា គម្រោងព្រែកជីកហ្វូណនតេជោនឹងធ្វើឲ្យចប់ជាស្ថាពរដូចការដែលបានគ្រោងទុក ដោយមិនមានការជាប់គាំងដូចការឃោសនារបស់ជនអគតិមួយក្តាប់តូចនោះឡើយ។
ថ្លែងនៅក្នុងឱកាសអញ្ជើញជាអធិបតី បើកការដ្ឋានសាងសង់គម្រោងគ្រប់គ្រងធនធានទឹកចម្រុះ ហ្វូណនតេជោ កំណាត់ទី២ នាព្រឹកថ្ងៃទី១១ ខែមេសា ឆ្នាំ២០២៦ សម្តេចធិបតី ហ៊ុន ម៉ាណែត នាយករដ្ឋមន្រ្តីបានបញ្ជាក់ថាការសាងសង់នូវព្រែកជីកហ្វូណននឹងបន្តទៅមុខជានិច្ចដោយគ្មានការរាំងស្ទះនោះទេដោយរាជរដ្ឋាភិបាលបានធ្វើការជាប្រចំាប៉ុន្តែទោះបីជាយ៉ាងណាក៏ដោយត្រូវទាមទារឲ្យបងប្អូនប្រជាពលរដ្ឋមានការចូលរួមនិងយោគយល់ផងដែរដើម្បីឲ្យគម្រោងនេះសម្រេចបានជោគជ័យ៕