យោធាសហរដ្ឋអាមេរិក ប្រកាសថានឹងចាប់ផ្តើមអនុវត្តការបិទផ្លូវនាវាចរណ៍ទាំងអស់ដែលធ្វើដំណើរចូល និងចេញពីកំពង់ផែរបស់អ៊ីរ៉ង់ ចាប់ពីថ្ងៃទី13 ខែមេសា ឆ្នាំ 2026 វេលាម៉ោង 10 ព្រឹក ម៉ោងនៅសហរដ្ឋអាមេរិក។ ការសម្រេចនេះត្រូវបានប្រកាសដោយ U.S. Central Command (CENTCOM) បន្ទាប់ពីប្រធានាធិបតី Donald Trump បានបញ្ជាឱ្យកងទ័ពជើងទឹកអាមេរិកចាប់ផ្តើមបិទផ្លូវសមុទ្រនៅតំបន់សំខាន់មួយ។
ប្រភពពីសារព័ត៌មានReuter នៅថ្ងៃទី១៣ខែមេសា។
តាមសេចក្តីថ្លែងការណ៍របស់ CENTCOM ការបិទផ្លូវនេះនឹងអនុវត្តចំពោះនាវាទាំងអស់ មិនថាជានាវារបស់ប្រទេសណាក៏ដោយ ដែលធ្វើដំណើរទៅ ឬចេញពីកំពង់ផែអ៊ីរ៉ង់ នៅតំបន់ឈូងសមុទ្រអារ៉ាប់ និងឈូងសមុទ្រអូម៉ង់។ ទោះយ៉ាងណា យោធាអាមេរិកបានបញ្ជាក់ថា នាវាដែលធ្វើដំណើរឆ្លងកាត់ Strait of Hormuz ទៅកំពង់ផែរបស់ប្រទេសផ្សេងៗ នឹងនៅតែអាចធ្វើដំណើរបានដដែល៕