តម្លៃប្រេងនៅទីផ្សារអន្តរជាតិបានកើនឡើងខ្លាំង ដល់ជាង ១០៣ដុល្លារក្នុងមួយបារ៉ែល បន្ទាប់ពីប្រធានាធិបតីសហរដ្ឋអាមេរិក Donald Trump ប្រកាសថា កងទ័ពជើងទឹកអាមេរិកនឹងរារាំងនាវាដែលធ្វើដំណើរទាំងទៅទាំងមកពីអ៊ីរ៉ង់នៅច្រកសមុទ្រHormuz។
ប្រភពពីសារព័ត៌មានAl Jazeera នៅថ្ងៃទី១៣ខែមេសា។
ប្រេងឆៅ Brent crude oil ដែលជាស្តង់ដារតម្លៃប្រេងពិភពលោក បានកើនឡើងជាង៨%ក្នុងមួយថ្ងៃ ហើយជាលើកដំបូងដែលឡើងលើសកម្រិតសំខាន់១០០ ដុល្លារ ចាប់តាំងពីសប្តាហ៍មុន។
ការសម្រេចចិត្តនេះកើតឡើងបន្ទាប់ពីការចរចាបទឈប់បាញ់រវាងសហរដ្ឋអាមេរិក និងអ៊ីរ៉ង់បរាជ័យ។ យោធាអាមេរិកបានបញ្ជាក់ថា ការរារាំងនេះនឹងផ្តោតតែទៅលើនាវាដែលពាក់ព័ន្ធនឹងអ៊ីរ៉ង់ ខណៈចរាចរណ៍នាវាផ្សេងទៀតនៅតែអាចឆ្លងកាត់បាន៕