នៅថ្ងៃចន្ទ ទីផ្សារហិរញ្ញវត្ថុសកលបានរងផលប៉ះពាល់ ខណៈតម្លៃប្រេងកើនឡើង និងភាគហ៊ុនអន្តរជាតិមួយចំនួនធ្លាក់ចុះ បន្ទាប់ពីភាពតានតឹងកើនឡើងនៅច្រកសមុទ្រ Strait of Hormuz ដែលជាច្រកដឹកប្រេងសំខាន់បំផុតមួយរបស់ពិភពលោក។
ប្រភពពីសារព័ត៌មានIran International នៅថ្ងៃទី២០ខែមេសា។
តាមការចុះផ្សាយរបស់ Reuters តម្លៃប្រេងឆៅប្រភេទ Brent crude បានកើនឡើងប្រហែល 5% ដល់ជិត 95 ដុល្លារក្នុងមួយបារ៉ែល។ ជាមួយគ្នានេះ កិច្ចសន្យាអនាគតនៃសន្ទស្សន៍ S&P 500 បានធ្លាក់ចុះប្រហែល 0.6% ខណៈទីផ្សារអឺរ៉ុបក៏បន្តធ្លាក់ដូចគ្នា។
ភាពតានតឹងនេះកើតឡើងបន្ទាប់ពីសហរដ្ឋអាមេរិកបានរឹបអូសនាវាដឹកទំនិញអ៊ីរ៉ង់មួយ និងការព្រមានសងសឹកពីភាគីអ៊ីរ៉ង់ ដែលធ្វើឲ្យមានការព្រួយបារម្ភអំពីការរំខានដល់ការដឹកជញ្ជូនប្រេងតាមឈូងសមុទ្រពែរ្ស៕