នៅថ្ងៃចន្ទ អាជ្ញាធរអ៊ីរ៉ង់បានប្រហារជីវិតអ្នកទោសនយោបាយពីរនាក់ គឺលោកHamed Validi និង លោកMohammad Shahi បន្ទាប់ពីតុលាការបានកាត់ទោសពួកគេពីបទពាក់ព័ន្ធនឹងសន្តិសុខជាតិ។
ប្រភពពីសារព័ត៌មានIran International នៅថ្ងៃទី២០ខែមេសា។
តាមការឲ្យដឹងពី Iran Human Rights Organization អ្នកទាំងពីរត្រូវបានផ្ទេរទៅទីតាំងមិនបានបង្ហាញមុនពេលប្រហារជីវិត។ ពួកគេត្រូវបានចាប់ខ្លួននៅទីក្រុង Tehran កាលពីឆ្នាំមុន ហើយត្រូវបានរាយការណ៍ថាបង្ខំឲ្យសារភាពក្រោមសម្ពាធ។
អង្គការសិទ្ធិមនុស្សបានអះអាងថា ការកាត់ទោសមានការរំលោភបំពាននីតិវិធីធ្ងន់ធ្ងរ រួមមានការធ្វើទារុណកម្ម ការខ្វះតម្លាភាព និងការបដិសេធសិទ្ធិការពារផ្នែកច្បាប់ពេញលេញ។
ហេតុការណ៍នេះបានបង្កការរិះគន់ពីអង្គការអន្តរជាតិ និងបង្កើនការព្រួយបារម្ភអំពីស្ថានភាពសិទ្ធិមនុស្សនៅអ៊ីរ៉ង់៕