អង្គការតាមដានសន្តិសុខដែនសមុទ្រ UK Maritime Trade Operations បានចេញការព្រមាន បន្ទាប់ពីមានរបាយការណ៍ថានាវាដឹកទំនិញមួយត្រូវបានក្រុមមនុស្សមិនស្គាល់អត្តសញ្ញាណប្លន់នៅជិតឆ្នេរសូម៉ាលី។
ប្រភពពីសារព័ត៌មានAnadolu Agency នៅថ្ងៃទី២៧ខែមេសា។
ហេតុការណ៍កើតឡើងប្រហែល៦ ម៉ាយល៍សមុទ្រ ភាគឦសាននៃតំបន់ហ្គារ៉ាកាដ ដោយនាវាត្រូវបានបង្វែរចូលទៅក្នុងដែនទឹកសមុទ្ររបស់ប្រទេស។
UKMTO បានអះអាងថា អាចមានសកម្មភាពក្រុមចោរសមុទ្រ (pirate groups) និងបានណែនាំឱ្យនាវាផ្សេងៗក្នុងតំបន់បង្កើនការប្រុងប្រយ័ត្ន និងរាយការណ៍សកម្មភាពគួរឱ្យសង្ស័យភ្លាមៗ។
អាជ្ញាធរនៅកំពុងបើកការស៊ើបអង្កេត ខណៈតំបន់ឆ្នេរសូម៉ាលីនៅតែជាតំបន់មានហានិភ័យខ្ពស់ពីចោរសមុទ្រ៕