រដ្ឋមន្ត្រីការបរទេសអ៊ីរ៉ង់ លោកAbbas Araghchi បានធ្វើដំណើរទៅកាន់ប្រទេសរុស្ស៊ី ដើម្បីជួបពិភាក្សាជាមួយលោកVladimir Putin ខណៈការចរចាសន្តិភាពជាមួយសហរដ្ឋអាមេរិកកំពុងជាប់គាំង។
ប្រភពពីសារព័ត៌មានReuter នៅថ្ងៃទី២៧ខែមេសា។
ការធ្វើដំណើរនេះកើតឡើងបន្ទាប់ពីការចរចានៅប្រទេសប៉ាគីស្ថាននិងអូម៉ង់មិនទទួលបានលទ្ធផល ខណៈអ៊ីរ៉ង់នៅតែទាមទារឲ្យលុបការបិទផ្លូវ និងសម្ពាធសេដ្ឋកិច្ចមុនពេលចរចាបន្ត។
នៅខាងសហរដ្ឋអាមេរិក ប្រធានាធិបតី Donald Trump បាននិយាយថា អ៊ីរ៉ង់គួរតែទូរស័ព្ទមកប្រសិនបើចង់ចរចាបញ្ចប់ជម្លោះ។
សូមបញ្ជាក់ថា៖ ភាពតានតឹងនេះបានប៉ះពាល់ដល់ទីផ្សារពិភពលោក ដោយតម្លៃប្រេងកើនឡើង និងភាគហ៊ុនអាមេរិកមានការធ្លាក់ចុះបន្តិច៕