នៅថ្ងៃទី29 ខែមេសា ឆ្នាំ2026 ទីភ្នាក់ងារការពារជនស៊ីវិលលីបង់ បានឲ្យដឹងថាបុគ្គលិកសង្គ្រោះ៣នាក់ត្រូវបានជាប់គាំងក្រោមគំនរបាក់បែក បន្ទាប់ពីការវាយប្រហារតាមអាកាសរបស់អ៊ីស្រាអែលលើទីក្រុង Majdal Zoun ភាគខាងត្បូងប្រទេសលីបង់ ខណៈពួកគេកំពុងអនុវត្តបេសកកម្មជួយសង្គ្រោះជនរងគ្រោះ។
ប្រភពពីសារព័ត៌មានAnadolu Agency។
ទីភ្នាក់ងារបានបញ្ជាក់ថា ការវាយប្រហារនេះបានកំណត់គោលដៅលើបុគ្គលិកសង្គ្រោះ និងរថយន្តសង្គ្រោះបន្ទាន់ ដែលកំពុងផ្តល់ជំនួយវេជ្ជសាស្ត្រដល់អ្នករងរបួស។
ប្រធានាធិបតីលីបង់ Joseph Aoun បានថ្កោលទោសហេតុការណ៍នេះថា ជាការរំលោភច្បាប់ និងអនុសញ្ញាអន្តរជាតិ បន្ថែមលើការវាយប្រហារជាបន្តបន្ទាប់លើបុគ្គលិកសង្គ្រោះ៕