(កណ្តាល)៖ យោងតាមការស្រាវជ្រាវបន្ថែម ពីសំណាក់ក្រុមការងារ”ដើមរាំង”និងការបំភ្លឺរបស់ មេពេទ្យសត្វខេត្តកណ្ដាល.រួមនិងការិយាល័យកសិកម្មស្រុកខ្សាច់កណ្ដាល បានបង្ហាញថា មន្ត្រីពេទ្យសត្វខេត្តកណ្ដាល ពុំបានប្រមូលលុយដាក់ខែ ពីអាជីវករអ្នកលក់សាច់ជ្រូក.សាច់គោនោះឡើយ.ខណៈដែលអាជីវករបង់លុយជាក់ស្ដែង ឱ្យខាងកុងស៊ី”ឡសត្តឃាត”.!!។
*លោក អ៊ុច សុវណ្ណ ប្រធានការិយាល័យផលិតកម្ម និងបសុព្យាបាលនៃមន្ទីរ កសិកម្មរុក្ខាប្រមាញ់និងនេសាទ ខេត្តកណ្ដាល បានថ្លែងបំភ្លឺប្រាប់”ដើមរាំង”នៅថ្ងៃទី២៩.០៤.២០២៦ថា ទាំងរូបលោកនិងមន្ត្រីក្រោមឱវាទ គឺពុំបានទទួលលុយ ដាក់ខែពីអាជីវករ ក្រៅផ្លូវការនោះទេ..!។
លោក អ៊ុច សុវណ្ណ បន្តថា បច្ចុប្បន្ននេះមន្ត្រីពេទ្យសត្វខេត្តកណ្ដាល បាននិងកំពុងអនុវត្តតួនាទីភារកិច្ចរបស់ខ្លួន យ៉ាងខ្ជាប់ខ្ជួន ក្នុងការប្រមូលសេវាត្រួតពិនិត្យអនាម័យសាច់សត្វ.និងផលិតផល ដែលមានដើមកំណើតពីសត្វ នៅតាមបណ្ដាលកុងស៊ី”ឡសត្តឃាត”នានា ក្នុងភូមិសាស្ត្រខេត្តកណ្ដាល..!។
*បើតាមលោក ស្រ៊ុន លាងហួរ ប្រធានការិយាល័យកសិកម្មស្រុកខ្សាច់កណ្ដាល ដែលធ្លាប់និយាយថា មន្ត្រីពេទ្យសត្វខេត្តកណ្ដាល ប្រមូលលុយពីអ្នកលក់សាច់ជ្រូក.សាច់គោ ក្នុង១ខែៗចាប់ពី៧០.០០០រៀលទៅ១០០.០០០រៀលក្នុង១ជ្រញ់នោះ…!។
គឺលោក ស្រ៊ុន លាងហួរ អាចនិងមានការយល់ច្រឡំ ព្រោះរូបលោកមិនយល់អំពីនីតិវិធី នៃការអនុវត្តច្បាប់របស់ពេទ្យសត្វបច្ចុប្បន្ន..!។
ខណៈដែលលោក ស្រ៊ុន លាងហួរ ធ្លាប់ជាអតីតមន្ត្រីពេទ្យសត្វ កាលពីអំឡុងទសវត្សរ៍ឆ្នាំ៩០ និងទសវត្សរ៍ឆ្នាំ២០០០។
ពោលគឺ សម័យនោះ មានការប្រមូលសូយសារពន្ធអាករ.ប្រចាំខែពីអ្នកលក់សាច់គោសាច់ជ្រូក ប្រាកដមែន ហើយលោក ស្រ៊ុន លាងហួរ ទំនងភាំងមួយពេលត្រង់ចំណុចនេះ ទើបនិយាយថា ពេទ្យសត្វខេត្តកណ្ដាលបច្ចុប្បន្ន ប្រមូលលុយខែ ពីអាជីវករតាមផ្សារ.!។
បន្ថែមពីនេះ”ដើមរាំង”ក៏បានស្រាវជ្រាវសួរនាំអាជីវករ អ្នកលក់សាច់ជ្រូក.សាច់គោ.ក្នុងស្រុកខ្សាច់កណ្ដាល ដោយពួកគាត់និយាយថា ខ្លួនពុំបានបង់លុយប្រចាំខែ ចូលហោប៉ាវមន្ត្រីពេទ្យសត្វនោះទេ..!។
ជាក់ស្តែង ក្រុមអាជីវករអះអាងថា ពួកគាត់ពិតជាបានបង់លុយក្នុងកុងស៊ី”ឡសត្តឃាត”តាមគោលការសៀវភៅបន្ទុកប្រាកដមែន!៕
